|
لو حابين تقرون عني قبل لا تقرون المذكرة ادخلوا هنا
السلام عليكم ورحمة الله كيف حالكم يالربع من زمان عنكم ما ادري لو تدخلون الموقع والا لا... بس على الأقل تواصلوا معاي حتى تيليفون ما أسمعه يرن المهم على طاري التيليفون.. تعرفون الحين الكل متولع بالبلاك بيري واللي يعرفني يعرف أني كل ما تولعوا الناس بشي أكرهه وكل ما حد يبيني أحب شي أكره أكثر ومن المواقف اللي صارت "للي درسوا معاي يعرفون السالفة" من صغري وأنا أحب الرياضيات وكنت أتمنى أصير مدرسة رياضيات "ياماغوتشي كوميكو<< اللي ما يعرفها بلاها نشرح له" بس لما دخلت أول إعدادي في أول حصة رياضيات، قالت لنا المعلمة أن الرياضيات حلوة وسهلة...إلخ.. وآخر كلامها قالت "واللي ما تحب الرياضيات بتحبها معاي" ما ادري كيف من ذاك اليوم صرت أكره الرياضيات.. مع أن الأبلة كنت أحبها والمادة كانت سهلة وكنت أجيب فيها فُل مارك... بس كذا كرهتها ونفس الشي صار في الثانوية العامة... أنا كنت أحب الفيزيا بس لما غيروا معلمتنا جاتنا وحدة طول الوقت تقول "الفيزيا حلوة.. الفيزيا سهلة.. حبوا الفيزيا... نحب الفيزيا.." إلخ وكأنها تبي تسوي لنا غسيل مخ وتبرمجنا على حب الفيزيا بس كرهتني بالمادة وصرت ما أحب أدرسها.. أصلا المعلمة ما كنت أحبها كانت ترفع لي الضغط مع أن يقولون الجمل الإيجابية تساعد.. بس ما ادري أنا ليش كذا لما أحاول اشجع نفسي.. مثلا لو مادة صعبة وأقول لنفسي أنها سهلة ممكن تنفع بس يجي حد ويزن على راسي إلا شوفي هالفلم حلو والا اقري هالقصة روعة.. وبالأخير بما أن الكل يتكلم عن هالشي أكرهه قبل لا أشوفه المهم.. نرجع للبلاك بيري اللي صار شوكة بحلقي وين ما امشي بالكلية اشوف الناس ماسكين بلاك بيري ويسولفون "تشات" بيه كرهته!! ولا صوت المسج صرت لما أسمعه يتشتت انتباهي حتى بالحاضرات ما يصكرونه!! لكن للأسف... بالأخير اختي شرته @.@" وقامت تحن علي اشتريه.. أنا اعشق جوالي وأحبه كثير وما أبي أغيره.. بس هي مصرة الا اشتري بلاك بيري قلت لها غالي وما أحب أخسر فلوسي وأني ما محتاجته لكن بالأخير شرته هي لي وحطته بايدي @.@" تقول تبي تسولف مع أحد.. شرت لي واحد رخيص علشان أكون راضية لأني ما أحب الإسراف نرجع لقصتنا مع الموبايلات.. أول موبايل شريته كان 6030... لما شريته الكل ما كان يعرفه ويحسون انهم اول مرة يشوفونه لما يسئلون عن اسمه اقول لهم 6030 يقولون في نوكيا كذا اصلا؟! متأكدة من الاسم؟ وكأني أقول لهم اسم الموبايل عنترة بن شداد... كلها رقم وما يصدقون @@ دام ما يعرفون الجوال أكيد ما بيكون اسمه ما مار عليهم المهم، لما رحت اشتريه كنا رايحين نشتري واحد لابوي ما ادري ليش طاحت عيني عليه وقلت ابيه... ما فيه لا كاميرا ولا بلوتوث ولا آي آر حتى.. بس مع كل هاي ما ادري ليش أصريت أني اشتريه وكان رخيص بعد.. ما أظن تعدى 500 ريال وعجبني اللون الأسود.. بس كان وقته مافي لون اسود بالدوحة ويكتب عربي.. هو في 3 ألوان.. فضي وأسود ولؤلؤي.. بس أنا أصريت عالأسود فأخذت واحد من غير عربي هاي صورة الموبايل للي ما يعرفه  بس ما انصحكم تشترونه لأن مافيه وايد مميزات<< اصلا من بيشتريه وعمره أكثر من خمس سنوات؟! بعدها.. ما بين السنة والسنتين لما دخلت الجامعة.. قلت ابي أشتري واحد بكاميرا وكيبورد.. لأني مرات أتعب وأنا عاللابتوب فأبي موبايل يساعد على كتابة القصص فشريت E61i... والكل عيب عليه!! هاي صورته  اخوي سماه طبق طائر، وقوطي فاين، ونعال، والناس كل حد شافه يقول لي وشو ذا كالكوليتر؟ لوعوا جبدي مع انه كان عاجبني وأشوفه كيوت، يعني مع أنه كبير لم نشوفه من جدام بس وايد ضعيف من عالجنب... لا والأسخف اللي سأل "كيف تتكلمين فيه!" يعني كيف بالله عليكم؟ وحدة قالت لي كذا عقب أخذته وحطه على اذنها وقالت "ما اتخيل" وبدت تضحك لهالدرجة؟ اشدعوة نكتة سووها معليش استحملتهم... بس مرة حسيت باحباط كبير.. كان عندي امتحان رياضيات والكالكوليتر ممنوع، بعد ما خلصت الامتحان طلعت من القاعة وطلعت الموبايل علشان اتصل باخوي.. شافتني وحدة ما تعرفني بس كانت معاي بنفس قاعة الامتحان وسألت متعجبة "مو الكالكوليتر ممنوع؟!" <<<شنو تتوقعون بتكون ردة فعلي؟ المهم... الشخص الوحيد اللي سألني عنه سؤال غير عن الكل هو دكتور الكمبيوتر.. سألني وقال هذا بلاك بيري؟ طبعا وقتها محد يعرف البلاك بيري ولا كنت اعرفه انا.. بس قلت ما ادري لول، عقب وهو يناقش قلت له نوكيا هو تعجب انه نوكيا زي ما تعجبوا الكل... وكأن هالموبايل جايبته من كوكب ثاني <<ما ادري ليش اختياري للموبايلات يكون للي ما يعرفونهم الناس تم عندي هالجوال 3 سنين تقريبا... لما نزلت موضة البلاك بيري صار كلٍ يشوفه يسأله "هذا بلاك بيري؟" <<الحين رقيتوه من كالكوليتر لين بلاك بيري؟ بس يالله.. على الأقل أحسن من نعال وقوطي فاين وطبق طائر... وغير كذا قاموا الناس ما يضحكون عليه ولا يشوفون حجمه كبير ومب طبيعي "على قولتهم" والحين لما جاني البلاك بيري أول شي سويته غيرت كل رناته للمسج والايميل والتشات وكل شي.. وأبي أشتري له كفر غريب غير عن كفرات الكل ولو اضطر الونه وارسم عليه بنفسي يكون أحسن هذا اللي عندي، كيرف 8520  لأني ما احب يكون شكلي وكأني أقلد الناس @.@ وهاي سبب أني ما أمشي على الموضة وأطلع لي موضة بنفسي من فترة لفترة أحب يكون لي شخصيتيbr> بس طلع الهدف ان اختي شارية لي بي بي علشان أنقل لها اخبار ايت ابوي.. صج ضحكتني كل يوم تسأل وشو الأخبار وش صار وأعطيها نشرة الأخبار كاملة.. صرت مراسلة لبيت أبوي ^.^" بس بجد يخسر... انا قبل يتم رصيد 100 لشهرين او 3... بس مميزاته حلوة.. فكرهي له قل خلصنا من الموبايل.. نجي لموضوع الستايل الجديد قلقلت اني حصلت صعوبة في اني اسوي ستايل جديد.. سويت واحد وردي واسود عليه خروفة كيوت بس حسيته بسيط ثاني شي الخروفة ما عجبتني كثير بس ما لقيت غيرها ما تليق علي اصلا، الكيوت مو لايق علي.. بس بالأخير لقيت صورة حلوة.. الستايل سويته وجهز تقريبا.. باقي بس التشطيبات الأخيرةr> في أقسام أكثر وبيكون أرتب بإذن الله أتمنى أنه يعجبكم بعد ما ينزل... تحياتي |
